9 Trends To Wear For Eid

القمصان موضه طاغيه لابعد درجه مو بس كقميص ! لا كمان كفستان علي ستايل قميص و اي قصه او قماش مستوحي من القميص الكلاسيكي في اكثر من اختيار في الصوره الي فوق تبين ايش قصدي في موديلات مختلفه بس تحسوها شيرتي فيها لمسه القميص

الاشياء البفي يعني المخبخبه زي ما نقول بالحجازي او المنفوخه الي فيها فوليوم و حجم سواء في الاكمام او الفساتين من

تحت

التنانير اللف و الكسر و التنانير الي من جهه كسر و من جهه عادي بدون كسر كمان من الاشيا الي مره موضه

الاوف شولدر لسا موضه لكن مو الاوف شولدر الكلاسيكي الي طالع الي يكون في حركه مختلفه اما الاكمام تكون بفي او فيه رفلز او فيونكه او قصات غريبه

الرفلز كمان موجود ونلاحظ في الصور دمج اكتر من موضه زي الاوف شولدر مع الرفلز مثلا

شنط الخصر مره موضه احبها لانها تعطي تحديد للخصر و شكل مو معتاد لشيل الشنط تقدري تستعملي اي شنطه بحجم ميني عندك تكبري الستراب حقها ،وتلفيها ع خصرك بس ادا منطقه البطن عندك ممتلئه مره لا تقربي جمب هده الموضه راح تلفت الانتباه لبطنك

بالنسبه للاكسسوارات كل التركيز علي الشوكرز و الحلقان الستيتمنت الطويله و طبقات السلاسل النحيفه زي ما وريتكم في سناب شات

اما بالنسبه للاحذيه فالطالع الميولز سواء فلات او بكعب بالتحديد قوتشي مره ضارب و كمان السليبرز سارو موضه الي هما الصنادل الي بدون كعب نهائيا زي صندل البيت و كمان الليس اب لكن الجديد الطالع في الليس اب (الصنادل الي لها حبل يتربط علي فوق ) انهم دخلو علي البالرينا