Currently Obsessing Over ..
Rub Rub Rub Shower Scrub
( LUSH )
البرودكت هذا من لش من اجمل البرودكتس الي استعملتها بحياتي حقيقي غيرها
هو عباره عن مقشر مكون من ملح البحر الخشن و عصير الليمون المركز ومستخلص الليمون
الريحه عباره عن انتعااااااش
طريقتي في استعماله اني اخد منه كميه و افركها في جسمي وهوا جاف قبل الشاور بعدين اغسل جسمي
الطريقه هذه تعطي نتيجه تقشير افضل
النتيجه كانت اني اتخلصت من كل طبقات الجلد الي اتكونت مع الحمل و الولاده مع اني اسوي حمام مغربي كل شهر و استعمل سكربات جسم كثيره لكن مافي منتج قضي عليها تماما زيه عشان كدا اقلكم غير حياتي
Micro Peekaboo Bag
(FENDI)
في البدايه مره كنت ضد هذا الحجم بس الصراحه اللون و الكرستال اكل قلبي
وانا موخرا سرت ما احب القطع العاديه بالجلد العادي و الالوان الكلاسيكيه
سرت احب الشي المميز و الجلود المميزه فكثير شدتني وحبيتها
انصدمت لمن وصلتني انها ساتان من تحت وواضح انها راح تتوسخ من اقل شي بس الله يستر انشاءالله اقدر احافظ عليها نظيفه
Lady Peep
(Christian Louboutin)
واخيرا لقيت موديل من كرستيان لوبوتان مريح و زابط معايا
عشان يزبط مره اخدت مقاس اكبر من مقاسي
و الحمدلله سايره البسه بكل طلعه
حبيت فيه طول الكعب ١٥سم فيديني الطول الي احتاجه وبنفس الوقت يمشي مع كل شي
أضف تعليق